Interposta.Info

Rusiyanın 300 milyard dollar pulu artıq Ukrayna üçün ayrılıb - Zelenskinin müşaviri

 

Dünya
 16-03-2022, 10:51     133

Rusiya Federasiyası Mərkəzi Bankının 300 milyard dolları artıq Ukrayna üçün rezerv edilib.

Bu barədə Prezident Vladimir Zelenskinin müşaviri Oleq Ustenko telemarafon zamanı bildirib.

"Artıq bizim üçün 300 milyard dollar rezerv edilib - bunlar Rusiya Mərkəzi Bankından Rusiyadan kənarda yerləşən hesablarda olan və bizə gələcək vəsaitlərdir. Əlavə olaraq fonda daxil olacaq bu vəsaitlər Rusiyanın sözdə elitasının həbs edilmiş mülkündən gələcək. Həmin mülklər bundan sonra bazarda satılmağa davam edəcək”.

Bu əmlakın bir hissəsi üçün sözdə borc öhdəlikləri, istiqrazlar veriləcək.

Ustenko qeyd edib ki, əgər söhbət, məsələn, hüquqlarına həbs qoyulmuş "Çelsi” futbol klubundan gedirsə, onu indi sata bilmərik. Bunun əvəzinə siz qiymətli kağızlar, istiqrazlar buraxa bilərsiniz - onları satın alın və sonra bu klubu satıb vəsaitləri istiqrazlarda qaytara bilərsiniz. Satılan istiqrazlardan əldə edilən vəsait Ukraynanın bərpası üçün formalaşdırılan fonda daxil olacaq.

Xatırladaq ki, Ukrayna Haaqada Aİ-nin ayrıca Rusiyanın qaz və neftinə görə daxil olacaq vəsaitin toplanacağı hesab yaradılmasında israrlıdır, - sonra bu vəsait Ukrayna iqtisadiyyatını bərpa etmək və təzminatını ödəmək üçün istifadə olunacaq.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26