Şəkidə ağır qəza:
Hadisənin yolun sürüşkən olması səbəbindən baş verdiyi ehtimal edilir.
Hadisə səhər saat 08:20 radələrində Yevlax-Zaqatala-Gürcüstan magistral yolunun 28 km-də, Şəkinin Suçma kəndi ərazisində qeydə alınıb.
ARB Şəki xəbər verir ki, qəza zamanı Mingəçevir sakini Səmədov Elbrus Səməd oğlunun idarə etdiyi 10-SX-298 dövlət nömrə nişanlı VAZ-2104 markalı avtomobillə, Balakən sakini İbrahimov Vaqifin idarə etdiyi 08-BF-440 dövlət nömrə nişanlı NAZ Lifan markalı avtomobil toqquşub. Nəticədə VAZ-ın sürücüsü ağır bədən xəsarətləri alıb.
Xəsarət alan şəxs təcili olaraq digər avtomobilin sürücüsü və yoldan keçənlərin köməkliyi ilə Şəkinin Böyük Dəhnə kənd tibb məntəqəsinə çatdırılıb. Lakin VAZ-ın sürücüsü yolda dünyasını dəyişib.
Hadisənin ilkin olaraq yolun sürüşkən olması səbəbindən baş verdiyi ehtimal edilir.
Faktla bağlı Yol-Nəqliyyat Hadisələrinə Dair İşlər üzrə İstintaq və Təhqiqat Şöbəsində araşdırmalar aparılır.
Qeyd edək ki, NAZ markalı avtomobilin sürücüsü Qarabağ əlilidir.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
