Niderland Rusiyaya görə Çinə xəbərdarlıq etdi
Niderlandın xarici işlər naziri Vopke Hukstra bildirib ki, Çin Ukraynadakı müharibə üçün Rusiyaya silah tədarükü barədə düşünsə, bunun nəticələri ilə üzləşəcək.
Qaynarinfo Bloomberg-ə istinadən xəbər verir ki, o, bunu G20 xarici işlər nazirlərinin Nyu Dehlidə keçirilən iclası çərçivəsində deyib.
"Hər bir həmkarıma, o cümlədən çinli həmkarıma çatdıracağım şey budur ki, həqiqət bəllidir. Məsul olan yalnız bir ölkə var, o da Rusiyadır", - Hukstra deyib.
"Moskvaya hərbi yardımın nəticələri olacaq. Əgər ölkələr bu xətti keçsələr", - nazir əlavə edib.
Xatırladaq ki, Almaniya kansleri Olaf Şolts Çini Rusiyaya silah göndərməməyə çağırıb və Pekindən qoşunlarını Ukraynadan çıxarmaq üçün Moskvaya təzyiq göstərməsini istəyib.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
