Keçmiş prezident belə saxlanıldı - ANBAAN VİDEO
Hüquq-mühafizə orqanlarının əməkdaşları Moldovanın beşinci prezidenti İqor Dodonu istintaq təcridxanasına qədər müşayiət ediblər. O, dövlətə xəyanətdə şübhəli bilinərək saxlanılıb.
Bu barədə Point.md məlumat yayıb.
Moldovanın İnformasiya və Təhlükəsizlik Xidmətinin əməkdaşları tərəfindən siyasətçinin evinə ağ mikroavtobus sürülüb. Bu zaman siyasətçinin evinin yaxınlığında aksiya keçirilib və insanlar “Həbsxana!” şüarları səsləndiriblər.
Dodon sakitcə maşına minib və heç bir açıqlama verməyib. Onun 72 saat saxlandığı bildirilir. Korrupsiyaya Qarşı Mübarizə Prokurorluğunun nümayəndəsinin sözlərinə görə, bu iş üzrə daha iki nəfər saxlanılıb.
Mayın 24-də korrupsiyaya qarşı mübarizə prokurorları Milli Antikorrupsiya Mərkəzinin və İnformasiya və Təhlükəsizlik Xidmətinin əməkdaşları ilə birlikdə rusiyalı həmkarı Vladimir Putinə sədaqəti ilə seçilən Moldovanın beşinci prezidenti İqor Dodonun evində axtarış aparıblar. Bundan başqa,ona məxsus daşınmaz əmlaklarda da istintaq hərəkətləri həyata keçirilib.
Axtarışlar passiv korrupsiya, qanunsuz varlanma, dövlətə xəyanət və cinayətkar təşkilat tərəfindən Sosialist Partiyasını maliyyələşdirmə işi çərçivəsində aparılıb./publika.az
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
