Şuşanın belə mötəbər beynəlxalq tədbirə ev sahibliyi etməsi təsadüfi deyil. İşğaldan azad olunmuş bu qədim şəhər bu gün yenidən həyatla dolur, beynəlxalq görüşlərin, mədəni və siyasi tədbirlərin keçirildiyi mühüm məkana çevrilir.

Forum iştirakçılarının geniş coğrafiyanı əhatə etməsi Azərbaycanın beynəlxalq aləmdə artan nüfuzunun göstəricisidir. Burada aparılan müzakirələr media əməkdaşlığı ilə yanaşı, regional təhlükəsizlik, informasiya mühiti və qarşılıqlı etimadın möhkəmləndirilməsi baxımından da mühüm əhəmiyyət daşıyır.

Şuşadan dünyaya verilən bu mesaj aydındır: Azərbaycan sülhə, inkişafa və qarşılıqlı faydalı əməkdaşlığa sadiqdir. Məhz bu siyasət ölkəmizin beynəlxalq mövqeyini gündən-günə daha da möhkəmləndirir.

Balabəy Balabəyov

Siyəzən Rayon Ağsaqqallar Şurasının üzvü

Goldmedia.az