Vətəndaşların NƏZƏRİNƏ: Sabah bəzi ərazilərdə qaz kəsiləcək
Sabah Azərbaycanın bəzi ərazilərində qaz olmayacaq.
Bu barədə “Azəriqaz” İstehsalat Birliyi məlumat yayıb.
Bildirilib ki, Quba rayonu, 2-ci Nügədi kəndi istiqamətində istismarda olan orta təzyiqli daşıyıcı qaz kəmərinin yeraltı hissəsində, Ağdaş və Göygöl rayonları ərazisində aşkar edilmiş qaz sızmalarının ləğvi, həmçinin Qusar şəhəri, S.Vurğun küçəsi istiqamətində yeni çəkilmiş polietilen qaz xəttinin daşıyıcı kəmərə qoşulması ilə əlaqədar sabah saat 10:00-dan qaz təchizatının dayandırılması planlaşdırılır.
Qeyd olunub ki, təmir-bərpa işləri aparılan müddətdə Quba (18 kənd), Qusar (rayon mərkəzinin bir hissəsi), Göygöl (bir hissəsi) və Ağdaş (bir hissəsi) rayonlarının bir hissəsinin qaz təchizatında müvəqqəti fasilə yaranacaq.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
