Interposta.Info

Zabil Müqabiloğlunun 40 yaşı....

Ölkə
 17-11-2017, 10:02     5 882

Bu gün mərhum əməkdaşımız Zabil Müqabiloğlunun doğum günüdür. Onu vaxtsız itirməsəydik, bu gün 40 yaşı tamam olacaqdı Zabilin.

Nəyə görəsə "40 yaşı qeyd etməzlər" deyirlər. Amma Zabil 40 yaşını qeyd edəcəkdi. Onun üçün bütün əlamətdar təqvim günləri məclis qurmaq üçün bəhanəydi. Məclis, söhbət, ünsiyyət adamıydı Zabil.

Biz onu vaxtsız itirdik. Qoruya bilmədik. Bəzən israr etmək lazım idi, edə bilmədik, xətrinə dəymədik. İndi xatirə yazısı yazmaqdansa, bəlkə də onun xətrinə dəymək lazım idi.

İndi oturub onun şəkillərinə baxırıq. Bir məşhur mahnıda deyildiyi kimi, "şəkillərdən baxışın səni əvəz eləmir", Zabil.

***

Zabil Müqabiloğlu 1977-ci il noyabrın 17-də Zəngilan rayonunun Babaylı kəndində anadan olub. Bakı Asiya Universitetinin jurnalistika fakültəsini bitirib. 1996-1998-ci illərdə hərbi xidmətdə olub. 1998-ci ildə mətbuata gəlib. "525-ci qəzet", "Avropa", "Tərcüman" qəzetlərində, "Yeni Müsavat" jurnalında çalışıb. Gunxeber.com saytının baş redaktoru olub.

26 fevral 2017-ci il tarixdə uzun sürən xəstəlikdən sonra vəfat edib. Bir oğlu var.

interposta.info
Zabil Müqabiloğlunun 40 yaşı....
Zabil Müqabiloğlunun 40 yaşı....

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26