Bu ölkələr Yəməndə hərbi əməliyyata başladı
ABŞ və Böyük Britaniya Yəmənin şimalında hakimiyyətdə olan "Ənsar Allah” hərəkatının (husilər) obyektlərinə qarşı əməliyyata başlayıb.
Qaynarinfo xəbər verir ki, bu barədə "Al Arabiya” telekanalı məlumat yayıb.
"Husi hədəflərinə qarşı ABŞ-Britaniya hərbi əməliyyatı başlayıb”, deyə mənbələr telekanala bildirib.
Onlar qeyd ediblər ki, hücum xüsusilə Hudeyda limanının kənarında həyata keçirilib. Hudeydanın şərqində husilərin hədəflərinə 5 hava hücumu təşkil edildiyi də vurğulanıb.
"Al Arabiya” telekanalının məlumatına görə, ABŞ və Britaniyanın zərbələrinin əsas hədəfləri Səna beynəlxalq hava limanı, Hudeyda hava limanı və onun ətrafı, həmçinin Yəmənin şimal-qərbindəki Saada şəhərində yerləşən Əd-Dailami hərbi hava bazası və Kelen düşərgəsi olub.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
