Sabiq kanslerin həyat yoldaşı Rusiya səfirliyinə getdi, işdən çıxarıldı
Almaniyanın keçmiş kansleri Gerhard Şröderin həyat yoldaşı So Yon Kim-Şröder Rusiya səfirliyinə səfərindən sonra Almaniyanın dövlət şirkəti olan "NRW.Global Business"də işini itirib.
"İnterPosta""Bild" nəşrinə istinadən xəbər verir ki, o, mayın 9-da Qələbə günü münasibətilə qəbula gəlib.
So Yon Kim-Şröder və "NRW.Global Business" arasında əmək münasibətləri əvvəlcədən xəbərdarlıq edilmədən dayandırılacaq. Bu barədə Şimali Reyn-Vestfaliya iqtisadiyyat naziri Mona Noybaur jurnalistlərə bildirib.
Şröder-Kim "NRW.Global Business"də Cənubi Koreya üzrə nümayəndə qismində fəaliyyət göstərib.
"Şirkət rəhbərliyi bir neçə dəfə Almaniyanın keçmiş kanslerinin həyat yoldaşına siyasi mövzularda, o cümlədən Rusiya və Ukrayna arasındakı münaqişə ilə bağlı ictimai çıxışın qadağan edilməsi barədə məlumat verib”, deyə məqalədə qeyd edilir.\qaynarinfo
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26