Jirinovskinin oğlu adını dəyişərək İspaniyaya köçməyə hazırlaşır - FOTO
Rusiyanın mərhum siyasətçisi Vladimir Jirinovskinin böyük oğlu və Dövlət Dumasının keçmiş vitse-spikeri İqor Lebedev adını, soyadını və ata adını tamamilə dəyişib.
İndi onun adı David Aleksandroviç Qarsiyadır.
Məlumata görə, ad dəyişikliyi 2021-ci ilin yayında baş verib. Bundan sonra o, Rusiya siyasətindən və Liberal Demokrat Partiyasından həmişəlik ayrıldığını bəyan edib.
Qeyd edək ki, bu qərarın səbəbi hələ 2014-cü ildə Avropa İttifaqının Jirinovskinin oğluna tətbiq etdiyi sanksiyalar ola bilər. Həmin andan keçmiş deputat və ailə üzvləri daşınmaz əmlaka malik olduğu Avropaya getmək imkanını itirib.
Xatırladaq ki, Vladimir Jirinovski aprelin 4-də vəfat edib. Rəsmi versiyaya görə, onun ölümünə koronavirusun nəticələri səbəb olub./oxu.az
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
