Bir daha Ərdoğanın Putinə verdiyi şəkillər haqda-
Soçidə aparılan danışıqlar zamanı Rusiya prezidenti Vladtimir Putinə bəzi fotoları verdim. Həmin fotolarda rusiyalı hərbçilər YPG terrorçuları ilə birlikdədir.
Xatırladaq ki, Türkiyə prezenti Rəcəb Tayyib Ərdoğan Rusiyaya rəsmi səfərindən qayıdarkən təyyarəsində jurnalistlərə belə demişdi.
Daily Sabah bildirir ki, həmin fotolarda kürdlərin terrorçu "Xalq Özünümüdafiə Dəstələri" (YPG) mənsublarının rusiyalı hərbçilərlə yanaşı duraraq kamera qarşısında pozalar verdiklərini vurğulayan Ərdoğan deyib: "Fotoların çəkildiyi yerlərlə tarixləri də dedik, mövzunu anlatdıq. Putin "araşdıracağam" söylədi. Bundan sonra iş Putinə qalır. Putin kürd dövlətinin yaradılması cəhdlərinə də yaxşı baxmır".
Fotolar Suriyanın Afrin şəhərində çəkilib. Bu şəhər sakinlərinin əksəriyyəti kürdlərdir.
BBC isə dünən məlumat yayıb ki, Rusiya hərbçiləri türk qoşunlarının Afrin şəhərinə doğru irəliləyişinə yol verməmək və YPG ilə türk hərbçilərin döyüşlərinin qarşısını almaq üçün Afrinə göndəriliblər.
"Russkaya Vesna" isə bəyan edib ki, rusiya hərbçiləri Suriya-Türkiyə sərhədinin yaxınlığında postlar yaradırlar. Məqsəd Türkiyə ordusunun bölgədəki YPG mövqelərinə hücumlarına itmkan verməməkdir.(milli.az)
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
