61 yaşlı kişi canavarı boğub öldürdü –
Canavar Salyan sakininə hücum çəkib. Müxtəlif dərəcəli xəsarətlər alan kənd sakini canavarı boğaraq öldürüb.
interposta.info Xezerxeber.az-a istinadən məlumat verir ki, hadisə Salyan rayonunun Xıdırlı kəndi ərazisində baş verib. Kənd sakini 61 yaşlı Rəcəb Qədirov səhər tezdən qoyunlarını örüşdə otarmaq üçün kənddən 5-6 kilometr aralanıb. Elə bu zaman canavarın qoyunlara yaxınlaşdığını görən kənd sakini əlində ağacla onu uzaqlaşdırmaq istəyib. Bu zaman canavar qoyunlara deyil, Rəcəb Qədirovun üzərinə hücum çəkib.
Canavar yenidən hücum edərək Rəcəb Qədirovun üz nahiyyəsini dişləyərək onu yerə yıxıb. Kənd sakini xəsarət alsa da özünü itirməyib.
Rəcəb Qədirov canavarı boğub öldürdükdən sonra yaxınlıqdakı nəzarətçilərə yaxınlaşaraq dostuna zəng etmələrini xahiş edib. Nəhayət o, dostunun köməkliyi ilə Salyan Mərkəzi rayon Xəstəxanasına çatdırılıb. Xəstəxanada ona ilk tibbi yardım göstərilərək travmatologiya şöbəsində yerləşdirilib.Xəstəxanadan verilən məlumata görə, yaralının vəziyyəti hazırda stabil olaraq qalır.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
