“Laçının erməni sakinləri evlərini pulsuz özəlləşdirirlər...” - Şəhər meri
25-ci ildir ki, Laçını işğal altında saxlayan ermənilər rayonda və xüsusən “Berdzor” adlandırdıqları rayon mərkəzində əhalinin sıx məskunlaşması üçün əllərində olan bütün imkanlardan istifadə edirlər.
Son illər Laçında su şəbəkəsinin yenilənməsi, işıq və qaz təchizatının normallaşması üçün tədbirlər görülür. Şəhərin abadlığı üçün mütəmadi olaraq iməciliklər keçirilir. Rayon mərkəzində yaşayan ermənilərə zəbt etdikləri və ya yeni tikdikləri evləri tam pulsuz, rüşvətsiz-filansız özəlləşdirməyə şərait yaradılıb. 
interposta.info bildirir ki, Moderator.az erməni mediasna istinadla xəbər verir ki, bu barədə jurnalistlərə açıqlmasında Laçın şəhərinin faktiki meri Artur Saakyan söyləyib. “Yalnız 2013-cü il ərzində 290 həyət evi və 40 bina mənzili sahibləri tərəfindən pulsuz şəkildə özəlləşdirilib. 30 ailəyə mənzillərinin təmiri üçün tikinti materialları verilib. Daha 22 ailəyə ev tikilməsi üçün torpaq sahələr verilib”. A. Saakyan qeyd edib ki, evlərin pulsuz özəlləşdirilməsi prosesi davam edir.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
