Bakıda fəhlə maşının altında can verdi –
Paytaxtın Xətai rayonunda piyadanın ölümü ilə nəticələnən yol qəzası baş verib.
ARB TV xəbər verir ki, hadisə Nobel prospektində qeydə alınıb.
“Mercedes” markalı avtomobil piyada keçidinin olmadığı ərazidə yolu keçən Tovuz rayon sakini 23 yaşlı Elsevər Mahmudzadəni vurub. Zərbənin gücündən piyada yan tərəfdə hərəkət edən “Mercedes”in ön şüşəsinə çırpılıb və nəticədə dünyasını dəyişib.
Hadisə yerinə Xətai Rayon Polis İdarəsi və Dövlət Yol Polisi Şöbəsinin əməkdaşları cəlb olunublar.
Elşən Xanəndəyev (hadisə şahidi): “Biz arxadaydıq. Elə mən baxdım ki, nəsə dəydi. Ancaq hiss etmədim bunu vurduğunu. Baxdım ki, maşın saxladı. Elə bildim maşın maşına dəyib. Bir də gördüm ki yox, burdadı”.
Araşdırma zamanı məlum olub ki, tikintidə fəhləliklə məşğul olan Elsevər Mahmudzadə, paytaxtda qohumları ilə birlikdə kirayədə yaşayırmış. O, axşam işdən çıxıb evə gedərkən qəzaya düşüb.
Faktla bağlı Xətai Rayon Polis İdarəsində cinayət işi açılıb, araşdırma aparılır.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
