“Müğənni xanımla ailə qurmaram”

Müğənnilərin yaradıcılıqları ilə yanaşı, hətta, onların səhnəarxası çaxnaşmaları da adiləşib. Kənardan baxanda hər şey süni görünür. Bu baxımdan tamaşaçıların şou-biznesə marağının olmamasının səbəbi nədir? Müğənnilərimizin ya ifasında, ya da ifa etdiyi mahnının bəstəkarında problemlər var. Çünki tamaşaçılar müğənnilərimizin ifasında eşitdiyi mahnının janrını ayırd etməkdə çətinlik çəkirlər. Sadaladığım bu səbəblərdən, bəzi istedadlarda itib-batır və tamaşçı tərəfindən tanınmır. İfaları bir çoxlarına tanış olsa da, amma simasını görünməyən ifaçılardan biriylə həmsöhbət olduq. Xalq mahnılarının ifaçısı

Orxan Namiqoğluyla "XeberBiz"in müsahibəni təqdim edir:

İfalarınız çoxlarına tanışdır, amma haqqınızda məlumat azdır. Bizə özünüzü yaxından tanış edərdiniz.
-Bakıda anadan olmuşam. Uşaqlıqdan musiqiyə böyük həvəsim, sevgim olub. Tofiq İsmayilov adına musiqi məktəbini bitirmişəm. Daha sonra Bakı Humanitar Musiqi Kollecinin musiqi şöbəsini bitirmişəm. Hal-hazırda orta məktəbdə musiqi müəllimi kimi fəaliyyət göstərirəm. Efirə gec-gec çıxmağımın səbəbi həm maddi durumla, həm də pedaqoji fəaliyyətimlə bağlıdır.
Toylara gedirsiniz?
-Toy bazarında demək olar ki, yoxam. Amma dəvət aldığım məclislər olur.
Hansı müğənniylə duet oxuyardınız?
-Gözəl səsi, avazı olan xanım müğənnilərimiz çoxdu, amma duet ifa etməyi düşünmürəm. Gələcəkdə hər şey ola bilər.
Özünüz mahnı bəstələyirsiniz?
-Bəli, mahnı bəstələyirəm. Hətta, bu yaxında söz və musiqisi özümə aid Qayıt adlı mahnımı inşallah aranjiman işləri bitdikdən sonra təqdim edəcəm.
Şəxsi stilistiniz varmı? Səhnə geyimi seçərkən kimlərlə məsləhətləşirsiniz?
-Hər zaman özüm öz seçimimlə geyinirəm və zövqümə güvənirəm. Anamında məsləhətiylə geyinirəm.
Sizcə, azərbaycanlı kişilər müğənni ilə ailə qurmaq istəmir?
-Bilirsiz, bu sənət çox çətin sənətdir. Düzdür, gözəl sənətdir. Amma enişi-yoxuşu olan bir yoldur. Məncə, ona görə mənim özümə qalsa, bu sənətdən xanımla ailə qurmaram. Bu da mənim şəxsi fikrimdir.
Qarşıda sənətlə bağlı hansı yenilikləriniz var?
-İnşallah, yeni mahnılar, yeni işlər olacaq. Öncədən demək tezdir. Amma qarşıda iki mahnı təqdim etməyi düşünürəm.

Elşən Yahiyayev

interposta.info