Interposta.Info

Bakıda yeni metro stansiyası nə vaxt istifadəyə veriləcək?

İqtisadiyyat
 19-04-2022, 15:33     147


2022-ci ilin sonuna qədər "Bakı Metropoliteni" QSC-nin "Bənövşəyi xətt”in yerüstü stansiyası olan "Xocasən” sərnişinlərin istifadəsinə veriləcək.

Bu barədə "İnterPosta"ya QSC-dən məlumat verilib.

"2016-cı il aprelin 19-u Azərbaycan Prezidenti İlham Əliyevin iştirakı ilə müstəqillik dövrünün ilk, Bakı metropoliteninin üçüncü – "Bənövşəyi xətti”nin açılışı olub.

Bənövşəyi xətt iki stansiya ilə ("Avtovağzal” və "Memar Əcəmi”) istifadəyə verilib. Hazırda xəttin 3 stansiyası var”, - deyə açıqlamada bildirilib.

Qeyd edək ki, 1967-ci ildə əsası qoyulan Bakı metrosunun hazırda xətlərinin sayı 3-ə (yaşıl, qırmızı və bənövşəyi), xətlərinin uzunluğu təxminən 40 km-ə, stansiyalarının sayı isə hələ istismar edilməyən "8 Noyabr” stansiyası da daxil olmaqla 26-ya çatır.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26