Şəhriyar Məmmədyarov şahmat tarixinə düşdü
Beynəlxalq Şahmat Federasiyası (FIDE) indiyədək 2800 reytinq xalını keçən qrossmeysterlərin adlarını açıqlayıb.
"İnterPosta"-nın məlumatına görə, 13 nəfərlik siyahıda Azərbaycanın 2 şahmatçısı yer alıb.
Bunlardan birinin dünya çempionu Harri Kasparov (2 851), digərinin isə Şəhriyar Məmmədyarov (2820) olduğu bildirilib. İlk dəfə belə səviyyəyə 1990-cı ildə Kasparov çatıb. O, 1999-cu ildə isə 2851 xal toplayaraq, zirvəyə qalxıb. Kasparovun rekordunu yalnız Maqnus Karlsen yeniləyə bilib. Norveçli dünya çempionu 2014-cü ildə reytinq xalını 2 882-yə çatdırıb. O, həmçisinin18 yaşında 2 800 reytinq həddinə çatan ən gənc oyunçu kimi tarixə düşüb.
Bu şahmatçılardan yalnız 5-nin Karlsen, Fabiano Karuana, Uesli So (hər ikisi ABŞ), Maksim Vaşye-Laqrav (Fransa) və Dinq Lirenin (Çin) yaşı hazırda 30 və daha azdır.
Bundan başqa, 13 nəfərdən 5-i - Karlsen, Kasparov, Vişvanatan Anad (Hindistan), Vladimir Kramnik (Rusiya) və Veselin Toplaov (Bolqarıstan) dünya çempionluğnu qazanıb.
Bununla bağlı sosial şəbəkə hesabında paylaşım edən Şəhriyar Məmmədov "Tarixin bir hissəsi olmaq özəldir!" yazıb.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
