"Real" "El Klasiko"da qalib gələrək, yenidən zirvəyə yüksəlib
İspaniya La Liqasında XXVI turun mübarizəsi başa çatıb.
Apasport.az saytının məlumatına görə, bütün diqqətlər "Santyaqo Bernabeu"dakı qarşılaşmaya yönəlib.
Əzəli rəqiblər "Real"la "Barselona" La Liqa tarixində 180-ci "El Klasiko" matçına çıxıblar. Oyun "Real"ın 2:0 hesablı qələbəsi ilə başa çatıb.
Buna qədər komandaların hərəsinin aktivində 72 qələbənin olması və çempionluq mübarizəsi aparması qarşılaşmanın əhəmiyyətini daha da artırırdı.
"Barselona"nı ölkə çempionatında sonuncu dəfə 2016-cı ildə, Madriddə isə 2014-cü ildə məğlub edən "kral klubu" müvafiq olaraq 7 və 4 oyunluq həsrətə, nəhayət ki, son qoyub. Bu qələbə "Real"ı turnir cədvəlində zirvəyə yüksəldib.
"Sevilya" doğma arenasında ortabab "Osasuna"nı son dəqiqə qolu sayəsində məğlub edərək, 3-cü pilləyə yüksəlib.
Avrokuboka vəsiqə ümidini itirməyən "Vilyarreal" Bilbaoda yerli "Atletik"ə yenilib. Ev sahiblərinə qələbə üçün 1 qol bəs edib.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
