Arda Turan Türkiyə milli komandasına dönməyə qərar verib
Futbol üzrə Türkiyə milli komandasındakı karyerasını başa vuran Arda Turan qərarını dəyişib.
“Report”un “Fanatik”ə istinadən verdiyi məlumata görə, İspaniya təmsilçisi “Barselona”ın formasını geyinən 30 yaşlı yarımmüdafiəçi yığmanın yeni baş məşqçisi Mirça Luçesku ilə görüşdən sonra bu addımı atıb.
Bildirilir ki, rumıniyalı baş məşqçi dünən İspaniyada baş tutan “Barselona” -“Şapokeonse” görüşündən əvvəl A.Turanla bir araya gələrək onu milliyə dönməyə razı salıb.
Qeyd edək ki, A.Turan iyunun 6-da təşkil etdiyi mətbuat konfransında yığma karyerasını başa vurduğunu açıqlamışdı. O, idman yazarı Bilal Meşeyə hücum etməsindən sonra yaranan qalmaqal səbəbi ilə bu cür qərar qəbul edib.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
