Rusiya HƏMAS və “İslami Cihad”ı Moskvada Fələstinlə bağlı görüşə dəvət edib
Rusiya hakimiyyəti HƏMAS və "İslami Cihad” da daxil olmaqla 14 təşkilatı Moskvada keçiriləcək "Fələstinlərarası görüşə” dəvət edib.
Qaynarinfo TASS-a istinadən xəbər verir ki, bunu xarici işlər nazirinin müavini, prezidentin Yaxın Şərq və Afrika ölkələri üzrə xüsusi nümayəndəsi Mixail Boqdanov deyib.
"Biz bütün Fələstinin nümayəndələrini - Suriya və Livan da daxil olmaqla, müxtəlif ölkələrdə və regionun digər ölkələrində mövqeləri olan bütün siyasi qüvvələri dəvət etdik", - Mixail Boqdanov bildirib.
XİN rəhbərinin müavini qeyd edib ki, "Fələstinlərarası görüş”ün tərkibi əvvəlki iki ilə təxminən eynidir: 12-dən 14-ə qədər təşkilat. HƏMAS və "İslami Cihad” istisna olmaqla, onların hamısı Fələstin Azadlıq Təşkilatının bir hissəsidir.
"Fələstinlərarası görüş” fevralın 29-dan martın 1-dən 2-dək baş tutacaq. Rusiyanın xarici işlər naziri Sergey Lavrov fevralın 13-də Valday Beynəlxalq Diskussiya Klubunun XIII Yaxın Şərq Konfransında Fələstinlərarası danışıqların Moskvada keçirilməsini təklif edib.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
