Interposta.Info

İsrail gecə ərzində Qəzza zolağında 80-dən çox hədəfə zərbə endirib

Dünya
 11-10-2023, 12:19     390


İsrail Müdafiə Ordusu (SAXAL) dünən gecə Qəzza zolağının Beyt Hanun şəhərində HƏMAS-ın 80-dən çox hədəfinə zərbələr endirib.

Bu barədə ordunun mətbuat xidməti məlumat yayıb.

“Gecə ərzində SAXAL qırıcıları Qəzza zolağında Beyt Hanunda 80-dən çox hədəfi vurub”, - deyə ordunun “Telegram” kanalında paylaşdığı məlumatda deyilir.

Hədəflər arasında İsrail ordusunun məlumatına görə, HƏMAS tərəfindən istifadə edilən iki bank şöbəsi, yeraltı tunel və HƏMAS-ın iki əməliyyat komandanlıq mərkəzi olub.
SAXAL, həmçinin HƏMAS-ın şimal briqadasının qərargahının, “İslami Cihad” komandanlıq mərkəzinin və İsrail hərbçilərinin məlumatına görə, silah anbarının və “İslami Cihad” yaraqlıları üçün bazanın yerləşdiyi məscidə zərbə endirdiklərini elan edib./TASS/oxu.az

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26