Finlandiya da rus avtomobillərinin ölkəyə girişini qadağan edəcək
Finlandiya Rusiyada qeydiyyatda olan avtomobillərin ölkəyə girişini qadağan edəcək.
Qaynarinfo xəbər verir ki, bunu xarici işlər naziri Elina Valtonen deyib.
"Kommersant” yazır ki, o, rəsmi qərarın bu gün, sentyabrın 15-də dərc olunacağını açıqlayıb.
Qeyd olunur ki, Rusiya dövlət nömrə nişanlı və ondan az sərnişin üçün nəzərdə tutulmuş avtomobillər bundan sonra Finlandiya sərhədindən keçə bilməyəcək. Bununla belə, bir sıra istisnalar olacaq.
Qadağanın nə vaxt qüvvəyə minəcəyi açıqlanmır.
Bundan əvvəl Litva, Latviya və Estoniya ruslara şəxsi avtomobillərlə girişi qadağan edib.
Eyni zamanda, Finlandiya Xarici İşlər Nazirliyi bir gün əvvəl elan edib ki, Avropa Komissiyasının Rusiyadan Aİ-yə idxalı qadağan olunan əşyalarla bağlı izahatlarına baxmayaraq, gələn rusiyalıların əmlakı müsadirə edilməyəcək.
Xatırladaq ki, AK sentyabrın 8-də rusların Rusiya Federasiyasından idxalı mümkün olmayan əşyalarla Aİ ölkələrinin ərazisindən keçməsinə qadağa qoyub. Siyahıya smartfonlar, noutbuklar, kosmetika, çamadanlar, smartfonlar və hətta tualet kağızı da daxildir. Sentyabrın 12-də AK tövsiyələrini yumşaldıb.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
