Türkiyədə 12 terrorçu ələ keçirildi
Yunanıstan və Suriya sərhədlərində 12 nəfər ələ keçirilib ki, onlardan 10-u terror təşkilatının üzvüdür.
Bu barədə Türkiyə Milli Müdafiə Nazirliyi məlumat verib.
Nazirlik sərhədlərdə keçirilən əməliyyatla bağlı sosial media hesabında açıqlama verib.
“Sərhədlərimizin təhlükəsizliyi məqsədilə qeyri-qanuni keçid etmək istəyənlərə qarşı mübarizəmiz davam edir. Sərhəd qartallarımız ölkəmizdən Yunanıstana və Suriyadan ölkəmizə qeyri-qanuni yollarla keçmək istəyən 12 nəfəri saxlayıblar. Onlardan beşinin PKK/KCK/PYD-YPG, dördünün FETÖ, birinin isə İŞİD terror təşkilatının üzvü olduğu müəyyən edilib”, - deyə açıqlamada bildirilib.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26