Aİ Rusiya aktivlərini niyə müsadirə edə bilmir?
 

"Avropa İttifaqı (Aİ) Rusiya aktivlərinin müsadirəsi və onların Ukraynaya verilməsi ilə bağlı hələlik razılığa gələ bilmir. Bu məsələnin həllinə hüquqi problemlər və Avropa valyutasına etimadın mümkün sarsılması mane olur".

Qaynarinfo xəbər verir ki, bunu "The Economist" yazıb.

Aİ avronun reputasiyasından qorxduğu üçün Avropanın Euroclear depozitarında toplanmış Rusiya aktivlərini müsadirə etməkdən qorxur. Avropa Mərkəzi Bankının (AMB) fikrincə, Rusiya Mərkəzi Bankının aktivlərinə qarşı hər hansı addım dünya üzrə mərkəzi banklar tərəfindən dəyər anbarı kimi Avropa valyutasının və dövlət istiqrazlarının etibarını sarsıda bilər.

Nəşr qeyd edib ki, Rusiya aktivlərinə sahib olan özəl şirkətlərə vəsaitləri daha yüksək gəlirli investisiyalara və mənfəəti Aİ fonduna köçürmək də təklif olunub. Lakin hüquqi risklərin yüksək olması səbəbindən bu variant nəzərdən keçirilməyib.

Nəşrin məlumatına görə, birtərəfli həbs də beynəlxalq hüququn bütün normalarını pozduğu üçün rədd edilib. Məsələ ondadır ki, ölkələrin digər ölkələrə qarşı yurisdiksiya toxunulmazlığı və borclarını ödəmək üçün əmlaklarına həbs qoyulması hüququ var. Ona görə də sanksiyalardan ancaq Rusiyanı fərqli hərəkətə sövq etmək üçün istifadə oluna bilər və aktivlərin müsadirəsi bu hərəkətlərdən kənara çıxır.

İyunun 21-də Avstriyanın Avropa və Xarici İşlər Nazirliyinin rəhbəri Aleksandr Şallenberq bildirib ki, sanksiyalara görə dondurulmuş Rusiya aktivlərindən sui-istifadə halları istisna edilməlidir, çünki bu cür hərəkətlərə məhkəmədə etiraz etmək olar.

InterPosta.info