Qazaxıstanlı alim 13 aylıq təqvim hazırlayıb
Beynəlxalq Türk Akademiyasının təşkilatçılığı və Qazaxıstanın Milli Akademik Kitabxanasının dəstəyi ilə kosmik, yəni əbədi, sabit təqvimə həsr olunmuş "Qlobal kəşf" konfransı keçirilib.
Müəllifi akademik Saylıbay Bekbulatov olan yeni təqvimlə ənənəvi Qriqorian təqvimi arasındakı əsas fərq 13 ayın olmasıdır.
AZƏRTAC xəbər verir ki, akademikin uzun müddət tədqiq etdiyi “təqvim” qədim türk dövri təqvimi əsasında hazırlanıb.
Konfransda professor Adil Axmetov bildirib ki, 1923-cü ildə Cenevrədə Millətlər Birliyinin toplantısında təqvim islahatı ilə bağlı xüsusi beynəlxalq komitə yaradılmasına qərar verildi. O vaxtdan 400 təqvim layihəsi təqdim edilsə də, heç biri qəbul olunmayıb. Bu gün biz 401-ci layihəni təqdim edəcəyik. Bu, dünya miqyasında daimi, dəyişməz bir təqvimdir.
Qeyd edək ki, bu təqvimdə hər ay 28 gündür. Eyni zamanda, il mart ayından başlayır. Mart ayı 1-dən deyil, sıfırdan başlayır.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
