Tamamilə çarəsizik – Bərzani
İraqın normal, sivil bir ölkə olacağına ümidimiz qalmayıb.
Axar.az xəbər verir ki, bu sözləri İraq Kürd Muxtar Vilayətinin rəhbəri Məsud Bərzani İŞİD-in 2014-cü il avqustun 3-də Mosulda törətdiyi qanlı olayların ildönümü mərasimində çıxışı zamanı deyib.
“Bunu böyük məyusluqla deyirəm. İraqla bütün yolları sınamışıq, ancaq tamamilə çarəsiz və ümidsizik. İraq bizi qoruya bilmir və ya qorumaq istəmir. Buna görə də təhlükəsizliyimizi təmin etmək üçün referendum yolu ilə bütün dünyaya taleyimizi müəyyən edə biləcəyimizi göstərməliyik. Referendum bizim yeganə məqsədimiz deyil, böyük hədəflərə çatmağımız üçün bir vasitədir”, - Bərzani bildirib.
Qeyd edək ki, İraq Kürd Muxtar Vilayətində müstəqilliklə bağlı referendumun sentyabrın 25-də keçirilməsi nəzərdə tutulur.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
