Vasif Talıbovun biznesi çökür: Şirkətləri ard-arda məhkəməyə verilir
Naxçıvan Muxtar Respublikası Ali Məclisinin keçmiş sədri Vasif Talıbov istefa verdikdən sonra nəzarətində olan şirkətlərin də çöküşü başlayıb.
Vasif Talıbovun istefasından sonra onun nəzarətində olan "Cahan Holdinq” və holdinqə daxil olan şirkətlər ard-arda məhkəməyə verilir.
Məhkəmə çəkişmələrindən məlum olur ki, holdinq Vasif Talıbovun nüfuzundan yararlanaraq bir sıra şirkətlərlə bağladığı müqavilələrə əməl etməyib. İndi Vasif Talıbov əvvəlki gücdə və nüfuzda olmadığı üçün həmin şirkətlər hərəkətə keçib.
Vasif Talıbova məxsus olduğu bildirilən başqa bir şirkətdə də vəziyyət ürəkaçan deyil. Söhbət "Gəmiqaya Holdinq”dən gedir. Holdinq 2008-ci ildə təsis edilib və tərkibində 14 şirkət fəaliyyət göstərir. "Gəmiqaya Holdinq” Vasif Talıbovun biznes imperiyasına daxil olan ən iri biznes strukturlarından biridir.
Hazırda şirkətin işləri yaxşı getmir. Bu səbəbdən, holdinqin vergi borcu yaranıb. Hazırda "Gəmiqaya Holdinq”in dövlətə 14 272.50 AZN vergi borcu var.
Ehtimal olunur ki, şirkət yaxın günlərdə borca görə məhkəməyə veriləcək.
Mənbə: qaynarinfo.az
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
