Interposta.Info

Şəmkirdə vətəndaşın torpaq sahəsi zəbt olunub?

Paradoks
 16-07-2021, 22:50     4 274

Şəmkirdə vətəndaşın torpaq sahəsin kimlər zəbt edib?

Məhərrəm Quliyev deyir ki, atasının adına olan 8 sot torpaq sahəsi xəbərdalıq edilmədən başqa şəxsin adına keçirilib.
Şəmkirin Çinarlı qəsəbəsində anadan olan Quliyev Məhərrəm Yaşar oğlu müraciət edərək, atasının adına olan 8 sot torpaq sahəsinin qanunsuz olaraq başqa şəxsə satıldığını iddia edir. Hazırda Tovuz rayonunda "N" saylı hərbi hissədə xidmət aparan Məhərrəm Qulıiyev dəfələrlə aidiyyatı qurumlara müraciət etsə də, problemi həllini tapmayıb:
"1997-ci ildə Şəmkirin Çinarlı qəsəbəsində hər ev başına 8 sot həyatyanı torpaq sahəsi verilmişdir. Həmin torpaq atam Quliyev Yaşar Hüseyn oğlunun adına olub. 2009-cu ildə isə verilmiş 8 sot torpaq sahəsi qanunsuz sənəd əsasında satılıb. Dəfələrlə Şəmkir rayonu Çinarlı qəsəbəsi bələdiyyəsinə və kənd sovetinə, eyni zamanda Şəmkir şəhər İcra Hakimiyyətinə müraciət etmişəm. Ora getdiyim zaman Torpaq və xəritəçəkmə şöbəsinin nümayəndəsi də orda idi. Daha sonra icra başçısının müavini Tofiq müəllim məni qəbul etdi. Problemimi ona danışdım. Bildirdi ki, biz sənə kömək edə bilmərik.
Daha sonra bu qurumlardan məni Şəmkir şəhər Məhkəməsinə yönləndirdilər. Lakin bunun da heç bir nəticəsi olmayıb. Məhkəmənin əməkdaşı mənə ərazinin çertyojunu gətirməyimi bildirdi. Sadəcə, mənim əlimdə ərazinin atamın adına olmasıyla bağlı sənəd var. Başqa sənəd yoxdur. Mənə bildirdilər ki, bu sənəd o qədər də önəm daşımır.
Bundan əlavə, dəfələrlə aidiyyatı qurumlara da müraciət etmişəm. Həmin qurumlarda məsələnin tezliklə həll olunacağını desələr də, təəssüf ki, problem olduğu kimi qalmaqdadır. Hazırkı bələdiyyə sədri bildirir ki, “məndən əvvəlki bələdiyyə sədrinin vaxtında sözügedən torpaq sahəsi satılıb”. İddia edirlər ki, bələdiyyə binası yandırıldığına görə, bütün sənədlər yanıb. Bu baxımdan bərpa edə bilmədiklərini deyirlər.
Qeyd etmək istəyirəm ki, hazırda arxiv idarəsinə verilmiş 8 sot torpağın atam Quliyev Yaşar Hüseyn oğlunun adına sənədi var. Xahiş edirəm ki, bu məsələni işıqlandırasınız və problemin həllində yardımçı olasınız".
Qarşı tərəfi dinləməyə hazırıq.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26