Interposta.Info

Yeni icra başçısı kollektivə təqdim olundu

 

Ölkə
 20-01-2022, 11:36     170

Abşeron Rayon İcra Hakimiyyətinin yeni başçısı Abdin Fərzəliyev kollektivə təqdim olunub.

"İnterPosta" məlumatına görə, onu Prezident Administrasiyasının Ərazi-təşkilat məsələləri şöbəsinin müdir müavinlərindən biri təqdim edib.

Tədbirdə PA rəsmisi çıxış edib və ölkə rəhbərliyinin tapşırıq və tövsiyələrini çatdırıb. A.Fərzəliyev ona göstərilən etimada görə təşəkkür edib.

Bununla da A.Fərzəliyev Abşeronun icra başçısı kimi səlahiyyətlərinin icrasına başlayıb.

Qeyd edək ki, Prezident İlham Əliyevin yanvarın 19-da imzaladığı sərəncamla İradə Gülməmmədova Abşeron Rayon İcra Hakimiyyətinin başçısı vəzifəsindən azad edilib.

Dövlət başçısının digər sərəncamı ilə Abdin Fərzəliyev Bakı şəhəri Nərimanov Rayon İcra Hakimiyyətinin başçısı vəzifəsindən azad olunub və Abşeronun icra başçısı təyin edilib.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26