Bakının Yasamal rayonu Nizami 13 küçəsinin sakinləri: Qorxu içindəyik hara uçacaq - FOTOLAR
Bakı şəhəri Yasamal rayonu Nizami 13 küçəsinin bir qrup sakinı redaksiyamıza şikayət ünvanlayıb.
"İnterPosta.info"ya verilən məlumata görə, Bakı şəhəri İcra Hakimiyyətinin təşəbbüsü ilə qeyd olunan binanın fasad hissəsində restavrasiya işləri aparılır. Təmir-bərpa işləri üç həftədir ki, davam edir və bu da öz növbəsində sakinlərin narazılığına səbəb olub.
"Bərpa işləri ilə bağlı bizə heç kim xəbərdarlıq etmədi, artıq iki həftədir ki, biz toz-duman içərisindəyik və bu havanı uduruq. Həyətə belə çıxa bilmirik. Qapı-pəncərələri aça bilmirik. Zirzəmini su basıb. Tikinti işləri başlayandan siçovullar, gəmiricilər həyətə, evlərə daraşıb. Axıdılan su isə binanın fundamentini yuyub aparır”,- deyə sakinlər qeyd edib.
Qəzalı binanın sakinləri şikayətlərinə daha sonra bunları əlavə edib: ”Bina 1901-ci ildə tikildiyindən və baxımsızlıq səbəbindən çox qəzalı vəziyyətdədir. Divarlardakı suvaqlar qopur, tavandan qum tökülür. Nəticədə divar və tavanda boyük dəliklər əmələ gəlib. Hər günümüz təhlükəlidir. Hər an gözləyirik ki, indi harasa uçacaq. Artıq bir neçə qurumlara müraciət etmişik. Bizə kömək edin”.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
