Interposta.Info

Prezidentin təyin etdiyi yeni nazir kimdir?

Ölkə
 12-10-2017, 19:06     6 777

Prezident İlham Əliyev Pərviz Oqtay oğlu Şahbazovun Energetika naziri təyin edilməsi haqqında sərəncam imzalayıb.

Axar.az xəbər verir ki, Pərviz Oqtay oğlu Şahbazov 1969-cu il noyabrın 24-də Bakı şəhərində anadan olub. 1986-1992-ci illərdə Azərbaycan Dövlət Neft Akademiyasını bitirib. 1988-1989-cu illərdə hərbi xidmətdə olub.

1991-ci ildən diplomatik xidmətə qəbul olunub.1991-1992-ci illərdə Xarici İşlər Nazirliyinin Beynəlxalq iqtisadi münasibətlər şöbəsində ikinci katib, 1992-1996-ci illərdə Azərbaycanın Almaniyadakı səfirliyində çalışıb. 1996-1997-ci illərdə Xarici İşlər Nazirliyində ikinci katib, 1997-1998-ci illərdə birinci katib, 1998-2001-ci illərdə Xarici İşlər Nazirliyində bir sıra vəzifələrdə işləyib.

1998-2001-ci illərdə Azərbaycan Respublikasının Avstriyadakı səfirliyində müşavir olub. 2005-ci ildə ATƏT-in Təhlükəsizlik Əməkdaşlıq Forumunun sədri olub. 2005-ci ilin avqust ayından 2016-cı ilin sentyabrına kimi Azərbaycanın Almaniyadakı fövqaladə və səlahiyyətli səfiri vəzifəsində çalışıb. Ailəlidir, iki övladı var.

İngilis, alman və rus dillərini bilir.

Yeni nazir Pərviz Şahbazov Azərbaycan Respublikası Prezidentinin İşlər müdiri Oqtay Şahbazovun oğludur.

Qeyd edək ki, keçmiş energetika naziri Natiq Əliyev iyunun 9-da vəfat edib.

interposta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26