Yük maşını istidən ərimiş asfalta batıb qaldı -
Yollarda asfalt o dərəcədə qızıb ki, tamamilə əriməyə başlayıb. Nəticədə yük avtomobillərindən biri ərimiş asfaltda bataraq hərəkət edə bilməyib.
Moderator.az xarici mediaya istinadla yazır ki, belə bir hadisə bu günlərdə temperaturun 50 dərəcəyədək yüksəldiyi Küveytdə baş verib. Videodan göründüyü kimi, maşının arxa təkərləri az qala yarıyadək asfalta batıb, eləcə də yanacaq çəni də yerə dirənib. Odur ki, avtomobil yerindən tərpənə bilmir.
Xatırladaq ki, ötən ilin yayında planetdə ən yüksək temperatur məhz Küveytdə qeydə alınmışdı. Əl-Mütrib şəhərində kölgədə temperatur 54 dərəcəyədək yüksəlmişdi.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
