Ayfon-9 gəlir: qiyməti açıqlandı

ABŞ-ın “Əpl” (Apple) şirkətinin yeni Ayfon (İPhone) cihazlarının qiyməti 799 avrodan başlayacaq.
Axar.az xəbər verir ki, bu barədə “Macerkorf” yazıb.
“Ayfonun kiçik modeli (Ayfon-9) 799 avro, Ayfon-XS 909 avro, Ayfon-XS Max 1149 avro olacaq. Bu qiymətə olan modellər 64 GB yaddaşa malik olacaq”, - nəşr bildirib.
Məlumata görə, 256 GB smartfon üçün isə əlavə 170 avro qiymət qoyulub.
Təqdimat mərasimi zamanı “Əpl” şirkətinin yeni 512 GB-lik modelini də nümayiş etdirəcəyi gözlənilir. Onun qiyməti isə hələlik bəlli deyil.
Qeyd edək ki, Ayfon-XS, Ayfon-XS Max və Ayfon-9 mobil cihazlarının təqdimatı sentyabrın 12-də baş tutacaq.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26