PPK təbliğatçısı olan sabiq məmura

Laçın Rayon Təhsil Şöbəsinin sabiq metodisti, PKK lideri Abdullah Öcalanın təbliğatçısı kimi tanınan Müqabil Baxışov martın 6-da məhkəmə qarşısına çıxarılıb və o, 4 il müddətinə azadlıqdan məhrum edilib.

Bu barədə müsavat.com-a Laçın rayon sakinlərindən biri məlumat verdi.

Qeyd edək ki, M.Baxışov ötən il noyabrın 29-da saxlanılmışdı. O, külli miqdarda ziyan vurmaqla dələduzluq etməkdə təqsirli bilinib və Cinayət Məcəlləsinin 178.2.2 və 178.2.3 maddələri ilə məsuliyyətə cəlb edilib.
Laçın Rayon Məhkəməsi onun barəsində 2 ay 19 günlük həbs qətimkan tədbiri seçmışdı.

Nəzərə çatdıraq ki, Müqabil Baxışov PKK lideri Abdullah Öcalana xüsusi simpatiyası ilə seçilən şəxsdir və mətbuatda, facebookdakı səhifəsində açıq şəkildə PKK-nın təbliğatını da aparırdı.

Musavat.com-da da bununla bağlı məlumatlar dərc edilmişdi.

2014-cü ildə - hələ təhsil şöbəsində işləyərkən onun yaxınlarının, tanışlarının adına 100 min dollardan çox kredit götürərək ölkədən qaçdığı, Kürdüstan adlandırılan əraziyə getdiyi bildirilirdi.

Adı bu qalmaqallarda hallanandan sonra o, 2015-ci ildə işdən azad edilmişdi.
Bir müddət sonra isə sonra isə o, yenidən Azərbaycanda peyda olmuşdu.

Xatırladaq ki, Müqabil Baxışov bundan əvvəl də məhkumluq həyatı yaşayıb. O, 2012-ci ilin oktyabrında Ağcabədi Rayon Məhkəməsinin
qərarı ilə xuliqanlıq maddəsi ilə təqsirli bilinərək 3 il müddətinə azadlıqdan məhrum edilib. Amma həmin vaxt barəsində 1 il 6 ay müddətinə şərti sınaq müddəti tətbiq edilərək, azadlığa buraxılmışdı.

interposta.info