Bakı Limanı ilə Gürcüstan limanları arasında blok qatarı işləyə bilər
Bakı Beynəlxalq Dəniz Ticarət Limanı ilə Gürcüstanın Poti və Batumi limanları ilə blok qatarının işləməsi təklif olunur.
"İnterPosta" xəbər verir ki, bu barədə rəqəmsal inkişaf və nəqliyyat naziri Rəşad Nəbiyev məlumat verib.
Onun sözlərinə görə, belə bir marşrutun təşkil olunması, vahid tariflərin müəyyən edilməsi Gürcüstanın Baş nazirinin müavini, iqtisadiyyat və davamlı inkişaf naziri Levan Davitaşvili ilə də ikitərəfli görüşdə müzakirə edilib. Görüş bu gün Tbilisidə Azərbaycan, Türkiyə və Gürcüstanın nəqliyyat sahəsi üzrə məsul nazirlərinin üçtərəfli görüşü çərçivəsində baş tutub. Tərəflər Orta Dəhlizin potensialından geniş istifadə olunması və Bakı-Tbilisi-Qars dəmiryolunun ötürücülük qabiliyyətinin artırılmasını müzakirə ediblər.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
