“8-ci km bazarı”nda mənşəyi məlum olmayan toyuq əti satılır –
Bakıda “8-ci km bazarı”ndakı ət mağazalarında toyuq əti açıq halda satılır və üzərində mənşəyi, istehsalı ilə bağlı məlumatlar yoxdur. Vətəndaşların bir çoxu bu toyuq ətlərini sağlamlığa təhlükə sayırlar.
interposta.info-ın Xəzər TV-yə istinadən məlumatına görə, satıcılar isə toyuq ətinin Ukraynadan və bilmədikləri firma tərəfindən gətirildiyini bildirirlər.
Məsələ ilə bağlı Bakı şəhər Baytarlıq İdarəsindən verilən məlumata görə, markasız halda, mənşəyi məlum olmayan toyuq ətlərinin satışına görə İnzibati Xətalar Məcəlləsində hansısa cərimə nəzərdə tutulmayıb. Ancaq şikayət daxil olarsa, həmin obyektə baxış keçirilir və sahibkara xəbərdarlıq edilir. Bu məsələdə əsas vəzifə isə vətəndaşların üzərinə düşür. Belə ki, vətəndaşlara tanınma nişanı olmayan, istehsal və son istifadə tarixi bəlli olmayan toyuq məhsullarını almamaq tövsiyə olunur.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
