“Milan” əsas heyət oyunçusunu azı altı aylıq itirdi
“Milan”ın yarımmüdafiəçisi İsmael Bennaser uzun müddət yaşıl meydanlardan kənar qalacaq.
İtaliya klubunun rəsmi saytının yaydığı məlumata görə, Çempionlar Liqasında “İnter”lə matçda (0:2) sağ dizindən zədələnən əlcəzairli oyunçu əməliyyat olunub.
Onun bərpa müddəti azı 6 ay çəkəcək. Beləliklə, 25 yaşlı futbolçu növbəti mövsümün əvvəlini buraxacaq.
Qeyd edək ki, “Milan”ın əsas heyət oyunçularından hesab olunan Bennaser bu mövsüm 40 matçda 3 qol, 2 məhsuldar ötürmə ilə yadda qalıb.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26