Tofiq Bəhramov adına Respublika Stadionunda təmir işləri başlanıb
Tofiq Bəhramov adına Respublika Stadionunda təmir işləri başlanıb.
Gənclər və İdman Nazirliyinin Mətbuat Xidmətindən verilən məlumata görə, arenanın ot ortüyü yenilənir.
Qurumdan qeyd edilib ki, hazırkı örtük yararsız haldadır:
“Tofiq Bəhramov adına Respublika Stadionunun ot örtüyü yenilənir. Buna səbəb hazırda ot örtüyünün istismara yararsız olmasıdır. Meydançaya xidmət göstərilməsi mütəmadi olaraq müasir standartlara uyğun aparılır. Lakin stadionun torpaq qatı və ot örtüyü sonuncu dəfə əsaslı şəkildə 2012-ci ildə yenilənib. Beynəlxalq təcrübədə bu tip yenilənmələr 5-6 ildən bir aparılır. Uzunmüddətli istifadədən sonra, stadionun ot örtüyünün yenilənməsinə ehtiyac var idi. Buna görə də “Sabah” - “Beşiktaş” yoldaşlıq oyunundan sonra stadionun ot örtüyünün dəyişdirilməsi prosesinə başlanılıb. Meydança tam bərpa edildikdən sonra, avqustun ortalarında istifadəyə verilməsi nəzərdə tutulub”.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
