Kriştianu Ronaldunun yeni klubu açıqlandı (RƏSMİ)
Portuqaliyalı superulduz Kriştianu Ronaldu "Mançester Yunayted"ə keçib.
"İnterPosta" xəbər verir ki, bu barədə "qırmızı şeytanlar"ın rəsmi saytı məlumat yayıb.
O, viza alandan və tibbi müayinədən keçəndən sonra köhnə-yeni klubu ilə münasibətləri rəsmiləşdirəcək.
Daha öncə MY-nin "bu transferin reallaşması üçün "Yuventus"a 25 milyon avro təklif etdiyi və Portuqaliya yığmasının 36 yaşlı liderinin müddəti 2023-cü ilə qədər olan anlaşmaya qol çəkəcəyi haqda məlumatlar yayılmışdı.
Ronaldu 2003-2009-cu illər aralığında sözügedən İngiltərə klubunun formasını geyinib. Mançester təmsilçisinin formasıyla 196 oyuna çıxan forvard bu matçlarda 84 qol vurub.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26