Bu gün AVRO-2020-də daha üç oyun keçiriləcək.
Apasport.az saytının məlumatına görə, altı komanda I turun matçına çıxmaqla çempionatda mübarizəyə start verəcək.
Bakı tarixində ilk dəfə qitə çempionatının görüşünü qəbul edəcək. Uelslə İsveçrə Bakı Olimpiya Stadionunda üz-üzə gələcək. Bu matçla A qrupunda ilk tur başa çatacaq.
Digər iki oyun B qrupunda keçiriləcək. Şimallıların duelində Danimarka yarışın debütantı Finlandiyanı sınağa çəkəcək.
Günə Sankt-Peterburqda yekun vurulacaq. Rusiya çempionatın favoritləri sırasında yer alan Belçika ilə görüşəcək.
Qeyd edək ki, ilk turun oyunları iyunun 15-dək davam edəcək.
AVRO-2020-nin təqvimi
I tur, 12 iyun
A qrupu
17:00. Uels – İsveçrə
Baş hakim: Klemen Turpin (Fransa)
Bakı Olimpiya Stadionu
B qrupu
20:00. Danimarka – Finlandiya
Baş hakim: Entoni Teylor (İngiltərə)
Kopenhagen. “Parken” stadionu
23:00. Belçika - Rusiya
Baş hakim: Antonio Migel Mateu Lahoz (İspaniya)
Sankt-Peterburq stadionu
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
