“Qarabağ” - “Atletiko” oyunu üçün avtobuslar ayrılacaq
“Qarabağ” klubu azarkeşlərin Çempionlar Liqasının qrup mərhələsinin III turunda İspaniya təmsilçisi “Atletiko” ilə oyuna rahat gedib-gəlmələri üçün tədbir görəcək
interposta.info klubun rəsmi saytına istinadən xəbər verir ki, oktyabrın 18-də Bakı Olimpiya Stadionunda baş tutacaq oyun üçün ictimai dayanacaq azarkeşlərin xidmətində olacaq.
Tərəfdarlar avtodayanacaqdan qarşılaşmanın başlamasından üç saat əvvəl - saat 17:00-dan etibarən istifadə edə bilərlər.
Qeyd edək ki, “Qarabağ” - “Atletiko” matçına bilet satışı davam edir. Azarkeşlər oktyabrın 17-dən etibarən biletləri Bakı Olimpiya Stadionunun qarşısında yerləşdirilən satış məntəqələrindən də əldə edə bilərlər.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26