Interposta.Info

Rusiya Caliber.az saytını da blokladı

Gündəm
 27-04-2022, 23:36     114

Rusiya hakimiyyəti Azərbaycanın Caliber.az saytını bloklayıb.

“Report”un məlumatına görə, sayta Rusiyadan giriş məhdudlaşdırılıb.

Rusiyanın Rabitə, İnformasiya Texnologiyaları və Kütləvi İnformasiya Vasitələrinə Nəzarət Federal Xidməti (“Roskomnadzor”) Rusiyada Caliber.az saytını bloklayıb. Yeri gəlmişkən, Rusiya qanunvericiliyini pozaraq, heç bir xəbərdarlıq etmədən sayta girişi məhdudlaşdırıb.

Buna səbəb Caliber.azın Rusiya-Ukrayna müharibəsi, habelə digər mövzularla bağlı operativ, dəqiq xəbərlər yayması olub. Bununla da Rusiya alternativ fikrə qarşı dözülməz münasibətini bir daha ortaya qoyub. Görünür saytın Ukraynada davam edən müharibə barədə operativ xəbərləri, qərəzsiz informasiyaları Rusiyanın bəzi rəsmilərinin narahatlığı ilə qarşılanıb.

Qeyd edək ki, bu, Rusiyanın fevralın 24-də Ukraynaya qarşı başladığı müharibə ilə bağlı qərəzsiz, operativ xəbərlər yayan digər mətbu orqanlar da Rusiyada bloklanıb. Buna minval.az, musavat.com, oxu.az, haqqin.az, baku.ws nümunələri misal ola bilər. Bütün bunlar “Roskomnadzor”un və digər rəsmilərin alternativ fikrə qarşı dözülməz münasibətini ortaya qoyur.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26