Ərdoğan: "Suriyanı tək qoymayacağıq, Hakan Fidan tezliklə Suriyaya yollanacaq"
"Türkiyə hökumət qurumlarının yaradılmasında və konstitusiya hazırlanmasında Suriyaya kömək edəcək".
"İnterPosta"Türkiyə KİV-nə istinadən xəbər verir ki, bu barədə Türkiyə Prezidenti Rəcəb Tayyib Ərdoğan Misirdən qayıdarkən jurnalistlərə müsahibəsində deyib.
Türkiyə lideri vurğulayıb ki, rəsmi Ankara Suriyanın yeni hakimiyyət orqanlarının nümayəndələri, o cümlədən onların lideri Əhməd əş-Şaraa (Əbu Məhəmməd əl-Culani - red.) ilə məsləhətləşmələrə başlayıb.
Türkiyə lideri əlavə edib ki, yaxın vaxtlarda Türkiyə xarici işlər naziri Hakan Fidan Suriyaya səfər edəcək.
"Biz onları (Suriyanın yeni hakimiyyətini nəzərdə tutur - red.) tək qoymayacağıq. Xarici işlər nazirimiz də tezliklə ora gedəcək. Onlar birlikdə yeni struktur quracaqlar", - deyə R.T.Ərdoğan qeyd edib.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
