Interposta.Info

Avropa Komissiyasının növbəti prezidenti kim olacaq?
 

Dünya
 20-01-2023, 15:52     254

Avropa Parlamentindəki sosialistlər və demokratlar Finlandiyanın baş naziri Sanna Marinin 2024-cü il Avropa Parlamenti seçkilərində onların əsas namizədi olmasını istəyirlər.

Qaynarinfo xəbər verir ki, bu barədə "Euractiv" yazır.

İlk dəfə Maaseudun Tulevaisuus tərəfindən dərc edilən hesabatlara görə, S&D Group həm də Marini Avropa Komissiyasının növbəti prezidenti kimi nəzərdən keçirir.

Məqalədə deyilir: "Finlandiyanın baş naziri bu yaxınlarda korrupsiya iddiaları və Qətərin qərarların qəbuluna təsir etmək cəhdlərindən sonra ləkələnməmiş reputasiyaya malik namizəd hesab olunur”.

Nəşr yazır ki, Marinin liberal dəyərləri Rusiyaya qarşı sərt mövqe ilə birləşərək, digər parlament qruplarından, eləcə də şərq və qərb üzv dövlətlərindən dəstək ala biləcək qalib kombinasiya kimi görünür.

"Parlamentdə və ümumilikdə Brüsseldə Marin müstəsna siyasi superulduz hesab olunur, qalmaqallardan uzaq və həmçinin ölkə hüdudlarından kənarda da məşhurdur, xüsusən də Ukrayna ilə bağlı açıqlamalarına görə”, - Avropa Komissiyasındakı sosialistlərə yaxın mənbə bildirib.

Finlandiyadakı seçki kampaniyası zamanı Marin özü bu söz-söhbətləri şərh etməyib.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26