Rusiya ilə qaz müharibəsi Avropaya 375 milyard avroya başa gələcək

Finlandiyanın "VaasaETT” konsaltinq şirkətinin məlumatına görə, enerji müharibəsi Avropanın əsas ölkələrinin ev təsərərüfatlarında elektrik enerjisinin orta qiymətlərini avqust ayına qədər 67%, qaz qiymətlərini isə 114% artırıb.

Bir çox kommunal ödənişlər onların imkanlarına uyğun olmayacaq və hökumətlər vətəndaşlara necə kömək edəcəklərini düşünürlər. Metodlar tarif subsidiyalarından birbaşa nağd ödənişlərə qədər dəyişir. "Bruegel” analitik mərkəzinin məlumatına görə, bu cür dövlət yardımının məbləği artıq 375 milyard avroya çatır.

Qaz və elektrik enerjisi qiymətləri ilə bərabər, onlar üçün ödənilən hesab da artır. Cəmi iki həftə əvvəl "Bruegel” xərcləri 280 milyard avro olaraq qiymətləndirib. Bu müddət ərzində qaz və elektrik enerjisinin qiymətləri son günlərdə nəzərəçarpacaq dərəcədə yüksəlib.

İndi Avropada ən bahalı elektrik enerjisi Böyük Britaniyadadır və oktyabrın 1-dən tənzimləyici elektrik enerjisi təchizatçıları tərəfindən verilən elektrik enerjisinin dəyərinin limitini qaldırdıqda, o, 178% bahalaşacaq. "Bloomberg” qeyd edir ki, ən bahalı qaz Hollandiyadadır, burada da artım üçrəqəmli ədədlə ölçülür.

Almaniyada orta ev təsərrüfatları üçün illik qaz ödənişləri avqustda 3717 avro təşkil edib; Check24 saytına görə, bu, 2021-ci ilin avqust ayı ilə müqayisədə 185% çoxdur. Hökumət ailələrə, qocalara və işsizlərə 95 milyard avro ayırır, enerji şirkətlərinin gəlirlərini məhdudlaşdırmağa və yenidən bölüşdürməyə, qiymət artımının sürətini azaltmağa hazırlaşır.

"VaasaETT”nin baş direktoru Filip Lüis deyir:

"Əgər topdansatış qiymətlərinə nəzarət edə bilmirsinizsə, yeganə çıxış yolu pul paylamaqdır. Və istehlakçıların edə biləcəyi yeganə şey isə enerjiyə qənaət etməkdir”.

Hazırda enerji resurslarının maya dəyərinin görünməmiş artımı və Rusiyadan qaz tədarükünün dayandırılması ilə üzləşən Aİ ölkələri enerjinin topdansatış qiymətlərini məhdudlaşdırmaq üçün tədbirlər hazırlayır. Bunlara qazın qiymətinə məhdudiyyətin tətbiqi, elektrik enerjisinin qiymətinin qazın qiymətindən ayrılması və s.\qaynarinfo

İnterPosta.info