Interposta.Info

Bayden ABŞ çip istehsalçılarına 52 milyard ayırır: “Çindən qayıdın”

Dünya
 10-08-2022, 12:21     119

Prezident Co Bayden yarımkeçiricilərin istehsalı və inkişafı üçün 52,7 milyard dollar subsidiya verilməsini nəzərdə tutan qanun layihəsini imzalayıb. Beləliklə, ABŞ hakimiyyəti mikroçiplərin istehsalını ölkəyə qaytarmağa və xarici, o cümlədən çinli təchizatçılardan daha az asılı olmağa çalışır.

Qaynarinfo xəbər verir ki, bu barədə "Reuters” yazır.

Bayden "gələcək Amerikada yaradılacaq" deyərək bu tədbiri "Amerikanın özünə bir sərmayə" adlandırıb. İmzalanma mərasimində "Micron”, "Intel”, "Lockheed Martin”, "HP” və "Advanced Micro Devices” şirkətlərinin rəhbərləri iştirak ediblər.

Ağ Ev subsidiyaların gözlənilən ilk təsirlərindən danışıb. Məsələn, "Qualcomm” və "GlobalFoundries” Nyu York ştatının şimalında yerləşən çip istehsal edən zavodunu genişləndirməyi planlaşdırır.

Ağ Evin təşəbbüsündən maliyyə alan şirkətlər 10 il ərzində Çində və ya Rusiya kimi narahatlıq doğuran ölkədə 28 nanometrdən daha yaxşı texniki proseslərlə hazırlanmış çiplərin istehsalını genişləndirməyəcəyinə söz verməlidirlər. Bu gün mövcud olan ən qabaqcıl yarımkeçiricilərdən bir neçə nəsil geridə olsa da, 28nm çiplər hələ də avtomobillər və smartfonlar da daxil olmaqla texnologiyada geniş istifadə olunur.

Bayden administrasiyası dəfələrlə qanunu Çin təsirinə qarşı mübarizənin vacib komponenti kimi göstərib. ABŞ prezidentinin özü də çərşənbə axşamı çıxışında qeyd edib ki, Çin hökuməti sənədin hazırlanmasına qarşı çıxıb. Çinin Vaşinqtondakı səfirliyi Pekinin "soyuq müharibə zehniyyətinin” qayıdışı iddiası ilə bu təşəbbüsə "qətiyyətlə qarşı” olduğunu bildirib.

Bayden qeyd edib ki, ABŞ-ın "Javelin” raketləri kimi əsas silah sistemləri üçün çiplərə ehtiyacı var. "Çin Kommunist Partiyasının ABŞ bizneslərini bu qanun layihəsinə qarşı çıxmasına yönələn aktiv fəaliyyəti təəccüblü deyil", - Bayden qeyd edib.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26