Interposta.Info

Zelenski: “Ukrayna ordusu tədricən Xersonu azad edir”

Dünya
 22-06-2022, 09:39     277

Ukraynalı müdafiəçilər Luqansk vilayətində müdafiəni gücləndirir və Xerson vilayətini tədricən azad edirlər.

Bu barədə Ukrayna Prezident Volodimir Zelenski axşam müraciətində danışıb.

"Cəbhə xəttində vəziyyət ciddi şəkildə dəyişməyib. Ukrayna ordusu taktiki hərəkətlərin köməyi ilə Luqansk vilayətində müdafiəni gücləndirir. Həqiqətən də orda hazırda vəziyyət daha ağırdır. İşğalçılara çox ciddi təzyiqlər göstərirlər. Onlara Donetsk istiqamətində, Xarkov vilayətində də təzyiqlər göstərilir”, - Prezident bildirib.

Zelenski vurğulayıb ki, Rusiyanın "amansız” və "həyasız” artilleriya atəşi işğalçılara heç nə verməyəcək, düşmən ordusu istənilən rasionallığa "kardır”: "İşğalçılar sadəcə dağıdır, öldürürlər və bununla da guya yerlərində dayanmadıqlarını komandanlığa göstərirlər”.

"Cənubda Nikolayev vilayətimizi, Zaporojye əyalətini müdafiə edir, Xersonu tədricən azad edirik", - Prezident vurğulayıb./report.az

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26