Bayden bu ölkənin rəsmilərinin ABŞ-a girişinə qadağa qoydu
ABŞ Prezidenti Co Bayden Nikaraqua hökumət nümayəndələrinin ABŞ-a girişinə və immiqrasiyasına qadağa qoyan fərman imzalayıb.
Bu qərar həmin ölkədə insan haqlarının və demokratiyanın pozulması ilə əlaqələndirilib.
"Belə qərara gəldim ki, prezident Daniel Orteqanın başçılıq etdiyi Nikaraqua hökuməti üzvlərinin, o cümlədən onun həyat yoldaşı və vitse-prezident Rosario Murilyonun, bu fərmanda adları sadalanan, demokratik təsisatları sarsıdan siyasət və hərəkətləri həyata keçirən və fayda əldə edən başqalarının immiqrant və qeyri-immiqrant kimi Birləşmiş Ştatlara girişini məhdudlaşdırmaq və dayandırmaq ölkəmizin maraqlarına uyğundur”, - deyə Baydenin fərmanında deyilir.
Qeyd edək ki, ABŞ bundan əvvəl Nikaraquada keçirilən ümumi seçkilərin nəticələrini tanımaqdan imtina edib və ölkə hakimiyyətinə iqtisadi və diplomatik təzyiqləri davam etdirəcəyini bildirib./qaynarinfo
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26