Interposta.Info

Hindistanda koronavirusun yeni mutasiyası aşkarlandı

Dünya
 21-06-2021, 10:19     450


Hindistanın Maxaraştra ştatı koronavirusun "delta plyus" (B.1.617.2.1) adını almış ştammının yeni növünə 20 yoluxma haqqında bildirib.

"İnterPosta" "Report”a istinadən xəbər verir ki, bu barədə Tibbi Təhsil və Tədqiqatlar İdarəsinin başçısı, doktor T.P.Laxan "India TV” telekanalına müsahibəsində deyib.

"Biz Navi-Mumbayda, Palqaredə və Ratnaqiridə "delta plyus"u tapdıq. Bundan sonra daha bir neçə nümunələr analizə göndərilib və hesabatları gözləyirik", - o, bildirib.

Yeni ştamma yoluxma ilə bağlı 5 hal Ratnaqiri liman şəhərində qeydə alınıb, bu halda iki yoluxmada heç bir simptom olmayıb. Hakimiyyətin koronavirusun yayılmasının qarşısının alınması üçün xüsusi zonalar yaradıb və mutasiyanın aşkarlandığı əraziləri bloklayıb.

Hindistan dünyada koronavirusa yoluxma və ölüm hallarının sayına görə ilk yerlərdən birini tutur.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26