Kabildə məscid partladıldı: Ölənlər və yaralananlar var
Kabilin Şəkər Dərə dairəsindəki məsciddə cümə namazı zamanı baş verən partlayış nəticəsində azı 4 nəfər dindar ölüb, 20-dən artıq da yaralı var.
"İnterPosta" xəbər verir ki, polisdən verilən məlumata görə Hacı Bəxşi Məscidinin içərisində gizlədilən bombanın partlaması nəticəsində xəsarət alanlar arasında məscidin imamı da var. Yerli mənbələr isə hadisə nəticəsində azı 10 nəfərin öldüyünü bildirir.
Bu hücumun məsuiliyyətini hələlik heç bir qrup üzərinə götürməyib.
Xatırladaq ki, bu gün hökumətlə "Taliban hərəkatı arasında imzalanmış üçgünlük atəşkəsin ikinci günüdür. Ötən gün, atəşkəsin birinci günündə ölkənin Pərvan əyalətində də bir məscidin ramazan namazı zamanı atəşə tutulması nəticəsində 8 nəfər dindar öldürülmüş, 5-i də yaralanmışdı.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
